على الوطن(رحيم المالكي)

رادونه نتفرق يا عراق الخير
حدر جنح الظلام تسللت لقزام
المعاول والهدم والموت
كلهه اتجمعت حكمت عليك اعدام
لانك جزء طاهر في جسد معلول
وطن وحدك صحيح بخارطة جرذام
العرب رادت تجعلك بالاخير تصير
لكنك عراق بكل وكت كدام
جابو بس قميصك بيك تهمو ذيب
وبري منك الذيب بهاي ما يلام
كفكف دمع عينك سيدي يا عراق
انت الذيب وحدك والبقيه اغنام
غيرك روضوهم شوفو هذا السوط
وانت اتنون نار وما رهمله الجام
حيرت اليخط واليفصل بيك
اشما رادو يخيطك ترد قطعة خام
منو الكلك طحت يا غرة التاريخ
يا قطعة بياض بزمن كله صخام
كبل حرب البسوس الوكفوهه اجواد
وجانو جاهليه ويعبدون اصنام
هسه اشلون والرب واحد المعبود
والقبله وحيده ودينه الاسلام
معقولة نتفرق واحنه فد قران
ونبيع الوطن للابسين لثام
لاوالله نتصالح بخوه يا وطن نبنيك
ومو طاهر حليبه الما يشد حزام

شكرا

يسلمووووووووووووووو

مشكووووووووووور

شكرا جزيلا لك

» حوار بين الوطن والليل
» دعوة مغترب للعودة الى الوطن