دارميات وابوذيات

مسجات عراقية
دخيلك يا نهر دجلة اذا عندك شغل اجلة اريد تبلغ احبابي سلامي بسرعة وتعجلة
حبيتك من بين الناس مافارقت بينك وبين الماس شوفتك تسوى كلوين اناناس
فززني كلبي وصاح وديني ليهم.مشتاكة روحي اتنام ابين اديهم
شفت البشر بلكون ماكو مثيلك لو مامنع تجوال هسه اجيلك!
حاول حبيب الروح ترسل رسالة تنقذ قلب مجروح وترحم بحاله
مساء الخير لأغلى وجة وبسمة مساء الخير الى من حبيت قلبة وروحة واسمة
ليل ورمي وطلقات والشرطه هوسه لزموني گالوا وين گلت ارد ابوسه
تعبان وابد مااضوك الزاد وتفكيري كله يم بغداد هم يجي يوم وبيك الزمن ينعاد
دارميات
ارد انشد الخيرين وطلبهم بساع عشرت عمر وياه يدفنه بل الگاع
جربت ربعي بظيج موش بميانه محد وكفلي وكال عد عينك انه
ياوطن ماننساك تفتر علينه وكل احنه من اصغار بحضنك ربينه
دفتر هديته بيوم للچنت هاويه حط بيه اسامي الناس بس اسمي ناسيه
جار البيوت يشيل ويمكن يهاجر بس أنت جار الروح وبالگلب صاير
مثل الورود هواي عل مزهرية عندي انه هيج اصحاب كلهم علية
ينـراد أحطــــلي عيون بعــــــيوني ذني حته اگدر ابجي عليـك من تمـشي عني
كل ساع أعشم الروح واگلها يرجع .. يا ترجع بهالحال ياروحي تطلع
هم شفت هم سمعيت دكه بشكل هاي يتجمل الغركان غطه بسطل ماي
من غبتوا ولهاليوم أحلامي بيكم ... وصدگوا مثل هوار أبچي عليكم
اتمنى روحي تصير خيمة على بغداد ..وتمطر دموع العين وتغسل الاحقاد
أبوذيات
يامن بالكلب والروح حليت....
ظكت رادك واكول هواي حليت...
الك جم مشكلة ياترف حليت....
هواك المشكلة واصعب عليه....
بعيني شفته اخذقلبي وفر بي
وعمده عل الجمر حطه وفر بي
ليش الاضحك بوجهه وفر بي
من اصد عنه يحط سكين بيه
هوى الشوك الاجه منك ..... منعصار
ونخب حبك يموتني ..... منعصار
على كلبي احس منك ..... منع صار
وحظر تجوال سويته عليه
في الشوق طشرني ولمني
داء الهجر تعبني ولمني
انا حاضر تعال اعتب ولمني
ادموع عيني تسولفلك اشبيه
الدهر بس ذب عليه ونه و دمعه
وكدام الصخر ابجي و ا دمعه
بدربكم سلبو دبي و دمعه
اريد اتصل محد حن عليه
احبك من بلغ سنك ورشداك
نصيحة وياك ماتنفع ورشداك
لون اعرف شنو زعللك ورشداك
دكلي بيا حكم انهي القضية

بخيل وعندك من المال لفات
وعلى كلمن يجي ويروح لفات
الدنيا جم سبع بالكبر لفت
ويظل النذل مامور وشفيه
عندي اعيون عافني وجلك
وشخصي ما يجل احد وجلك
مرمر خالقك ربنه وجلك
وذبك يا ترف ورطه عليه
زماني وياي ما انصف بجيله
ولج ياعين بسج عاد بجيله
حبيبي اشلون صوبني بجيله
زرف كلبي وكف شامت عليه
حجلها أعله الدرج بذني تشرشال
وبديها يلوك من تصعد تشرشال
نابليون أظن جدها وتشرشال
غزت قلبي بحربها ألعالمية

وحيد انه وعليه الكوم ظليت
على اوساد المنيه اليوم ظليت
عافوني الصحابه اهناه وظليت
وصدك هل اليوم عهدك ضل اليه
أطيب تحية

شكرا انا احب الشعر الشعبي

اكيد الشعر الشعبي جميل جدا

تحياتي الك

شكرا على الشعر الشعبي الجميل

تحياتي لكي ياملكة الاحساس

شكرا لمرورك

شكرا جزيلا

شكرا لردك الجميل

مشكوررررررررررر

شكرا للمرور الجميل